لا يا بلادي مش هنكسر
في كسرتي ،، دمعتك
هدافع عن الحق فيكي
و لا هسمح ليهم بقهرتك
راح اموت شهيد بيكي
و لا هتموت جوا مني محبتك
هيفضل الأمل طريقي
لجل تنولي ،، حريتك
من خونه و فاسدين باعوكي
عشان ينهبوا ثروتك
و غيرهم لزقوا فى الكرسي
غاويين يطفوا فى شمعتك
هيجوا عليهم يوم تصيبهم لعنتك
و النصر هتترفع راياته لفوق
نزين بيها سماكي و دنيتك
و أرفع راسي و أقول أنا المصري
عاشق بلادي ،، لغاية نخاعي
و أحس روحي حاضنه بسمتك
ليست هناك تعليقات:
إرسال تعليق