مش هكدب و أقول بحبك ,,

 

مش هكدب و أقول بحبك و لا هكدب و أقول مش عيزاك
لكن هقول نفسي تكون معايا .. و بجد محتجاك
محتاجه أشوف فيك راجل يحميني و أحس بأمان الدنيا معاك
مهما اختلفنا و زعلنا نتصالح علطول و لا يوم تبعد و يصيبني جفاك

طب عارف !!.. كتير بحس انك واحشني جدااااااااا
و هتجنن عشان ابعتلك اطمن عليك و اعرف أخبارك
ألاقي نفسي فجـأة بضعف و اتلكك و ابعتلك أي كلام
و عمري ما حسيت إن زهقانة منك أو عايزة ابعد عنك

بالعكس بحس ان نفسي اطول معاك أوى في الكلام حتى لو استعبطت في السلام
و أوقات بحس انك لسه رايدني و بالك مشغول بيا بس بخاف يكون إحساسي أوهام


طب عارف كمان !!.. كتير أوى بفتكرك و بلاقي نفسي فرحانة أوى و بضحك
و الابتسامة بتترسم على وشي جامد
و أوقات بفتكرك و ادمع .. بتصعب عليا نفسي إن الظروف فرقتني عنك
لا طايله أكون لك حبيبة و لا حتى صديقة

و كتير بخاف منك .. بخاف تكون مشاعرك مجرد حاجه لحظيه
ما أنا يا ما سمعت عن حكايات حب قوية طلعت في الأخر مسرحية منتهية

خايفة اقرب منك تاني و تكسرني أو تجرحني
خايفة أكون معاك و ألاقيك بتخوني
خايفة أديك مشاعري و احبك و أنت تتغر عليا و تسيبني

سامحني .. خوفي بقى غصب عني
بس أكيد لو لينا نصيب في بعض هنتجمع تاني
و أكون لك وحدك .. بس يا ترى وقتها هتصوني ؟؟

و لا ده مجرد حلم هيفضل بس في خيالي و جوا قلبي ؟