تعالى أقولك قد إيه وحشتنى
و نفسى جوا عينيك تضمنى
تدفينى فى عز بردى و تحسني
يمكن تحس بشوقى و لهفتي
تلمس بكف إيديك دمعتي
اللى ياما جرحت فى جفوني
و اشتكت منها مخدتي
تعالى أقولك قد إيه وحشتني
و إن الجرح فى بعدك بيهدني
و القمر بيخاصم ليلي و دنيتي
يستخبى مني مش عايز يسمع
شكوتي
حتى النجوم بلاقي نورها إختفى
و كأنه إتبخر ويا فرحتي
فجأة لاقيت عصفورة جاية نحيتي
تقولى إمسحى دمعتك
و ازرعى مليون فرحة فى دنيتك
حبيبك جاى من تانى ينور سكتك
هيبنى عشة بسيطة و جاى ياخدك
تعيشى وياه و يرجع لك بسمتك
تعالى أقولك إن أنا
عايشة على عهدى
و مش هنسى أبدا وعدي
حتى لو طال بيا عمرى
هتلاقينى هنا مستنياك
أدعيلك بروحي و قلبي
ترجع و تحقق حلمي
و تعيش علطول جنبي
ليست هناك تعليقات:
إرسال تعليق