أنين الروح ،،

لا قادرة أسامحك ,, و لا عارفه أنساك
وجعت قلبي بجرحك ,, و لسه بيهواك
فقولي منين ألاقي الدوا منك ,, و صايبني جفاك
ده كان حلمي أعيش بس جنبك ,, و أنول رضاك

************

أيوة قدرت تخليني أحبك .. و أنسى جنبك اللي فات 

لكن بخاف تجرحني .. و ألاقي فجأة القلب منك مات

************

أيوة محتاجة ليك .. و نفسي أكمل حياتي معاك 

لكن إيه هيفيد الهوى .. و حبنا محكوم عليه بالممات !!

************

و بين صمتي و بكايا ،، مليون آهه سببها جرحك 

و أنين الألم جوايا ،، مبقاش حمل قسوة قلبك

************

محتاجة ليك .. و الخوف قاتلني

 يا ترى وحشاك .. و لا اتعودت على بُعدي !!

************

عارفه انك في يوم هتفارقني .. بس هفضل جنبك 

و هديك كل الحب و الاهتمام .. عشان يوم ما تفارقني تندم 

و أنا هفضل أحبك برضو مهما كان ،،