إيه في الدنيا أجمل من إن أنا عايشة معاك ،،

إيه في الدنيا أجمل من إن أنا عايشة معاك ،، و كل صلاه بنصليها سوا و إنت ليا إمام

و كل جمعه نقرأ و نردد سورة الكهف كمان

و لما أتعب تضمني جوا منك فتحسسني بالأمان ،، و لما أخاف بتطمني و ترويني بالحنان

و لما بتغيب عني بشتاق لك حتى لو غبت مجرد ثواني مش بس ساعات

و الضحكة اللي بتنور شفايفك لما بناغشك .. و البسمة اللي على الخدود حكايات

يخلوني فراشة طايرة و كتير بكون زي الطفلة .. اللي فرحتها بتجلل في كل مكان

لكن الأكيد اكتر أن أنا ليك عاشقة و بدوب في هواك

و كل منايا عني ترضى و جوا حضني تلاقي الراحه و الأمان

طب عارف .. لو الناس كلها في كفة و أنت في كفة .. لا استنى أنت ما ينفعش تكون قدام حد في كفة

أنت لوحدك دنيا و بكل الناس .. و لو طلت جوا عينيا أشيلك و أغطيك بالرموش كمان

عشان أخبيك من العيون و تفضل جوايا لآخر الزمان

و يا ريت أموت و أنا بين يديك .. عشان أخر حاجه أشوفها هي عينيك

 و أستناك هناك بعد الحياة .. عشان أكون لك فيها .. حورية من الجنة

فيا رب نكون من سكانها و ننول رضاه